Sto. Nino Parochial School breaks it silence by releasing a press statement with regards to Krisel Mallari speech interruption.
Official Statement
STO. NIÑO PAROCHIAL SCHOOL
Bago Bantay, Quezon City
OPISYAL NA PAHAYAG
Nais ipahayag ng Sto. Niño Parochial School na walang katotohanan ang
mga balita tungkol sa aming paaralan na kumakalat sa social at news
media.
• Una, ang pagpapatigil ng “welcome remarks” ni Krisel
Mallari, Salutatorian, ay dahil binago niya ang isinumite niyang
“welcome remarks” sa araw at oras ng kanyang pagsasalita. Panuntunan ng
paaralan na lahat ng talumpati ay kailangang aprubahan ng paaralan.
Sinabihan si Krisel Mallari na kapag ito’y kanyang nilabag, hindi siya
papayagan sa kanyang talumpati.
• Ikalawa, ang laman ng kanyang
talumpati o “welcome speech” ay hindi angkop bilang “welcome speech”
kungdi paninira sa kanyang kapwa mag-aaral na Valedictorian, na ito raw
ay nandaya at pinayagan ng paaralan. Ipinakita na ng paaralan sa
kanyang ama na si G.Ernesto Mallari ang mga grado ng kanyang anak at ang
computation nito sa bawat asignatura. Ngunit ang gusto n’ya raw makuha
ay ang grado ng Valedictorian. Ito ay labag sa policy ng paaralan lalo
na kung walang pahintulot ng magulang nito.
• Halos araw-araw
nitong nakalipas na Linggo ay hina-harass ni G. Ernesto Mallari ang mga
guro. Ang isa ay sinigawan niya, ang ilan ay pinilit niyang pumirma sa
papel na dala nito. Ang Grading System ng paaralan ay computerize at
hindi maaaring galawin o baguhin.
• Ikatlo, sa mga nakalipas na
taon, tuwing matatapos ang school year ay mayroong complaints si G.
Mallari Laging ipinapaliwanag at kinakausap sila ng paaralan tungkol
dito. Dumadalo at tinatanggap naman nila ang mga awards tuwing
Recognition Program. Sa pagpasok ng bagong school year ay inii-enroll
pa rin nila ang kanilang anak.
Patuloy naming ituturo ang tama at
totoo. Ang mabuti at makatarungan ayon sa turo ng Aming Patron na Sto.
Niño kahit na may mga pagkakataon na hindi kami laging matagumpay sa
aming mga nagsipagtapos. Nakikiisa ang aming paaralan ngayong Kuwaresma
sa paghihirap at pagkapako ng Panginoon sa Krus dahil sa maling
bintang.
Pamunuan, Mga Guro at Kawani ng
Sto. Niño Parochial School
Source: Facebook SNPS
What do you think? Does this justify their actions from preventing Krisel Mallari from continuing her speech or remarks? Post your comments.
Krisel Mallari is a salutorian from Sto. Nino Parochial School in Quezon City. In the middle of her speech she was interrupted by school officials as they found her speech inappropriate for their graduation rites.
Watch how the school administration tried to stop Krisel Mallari from continuing her speech. The full text of her speech can be found after the video.
Krisel Mallari Speech
A pleasant morning to my fellow batchmates, to my teachers, guests, welcome to the 13th Commencement Exercises.
Sa okasyong ito ay pinipili kong magsiwalat sa wika na aking kinagisnan, ang wikang Filipino o wikang Tagalog.
Taong 2004 ng una akong umapak sa silid-aralan ng eskwelahang ito, upang mag-aral. Ngayon, makalipas ang labing isang taon, ay narito ko sa inyong harapan upang ibahagi ang aking karanasan at magbigay-aral. Sa bawat taon na lumipas ay puspusan ang pag-aaral na ginawa ko sa eskwela, naniwala ko sa patas na labanan.
Sa pagtatapos ng school year na ito’y isang hakbang nalang ang layo ko sa finish line, ngunit sa pagdating ko rito’y naglaho ang pulang tali na sisimbolo sana sa aking tagumpay, naglaho nga ba o sadyang kinuha? Maraming tao ang nagbulag-bulagan sa isang sistemang marumi at kaduda-duda. Ngunit di ko ito tinuluran, ipinaglaban ko ang sa tingin ko’y tama, nanindigan ako bilang isang Pilipino na palaban at may takot sa Diyos.
Chismis, isang piyesta ng chismis ang inabot ko ng pinagmukha nila akong masama. Ganun talaga minsan, pag umayon ka sa kung alin ang tama, ikaw pa ang lumalabas na mali. Di na nga nila pinakinggan ang iyong hinaing, nakuha ka pa nilang laitin. Kung sinasabi niyong wala akong acceptance, marami ako niyan, pero pano kong tatanggapin ang isang bagay na di naaayon sa katotohanan. Para san pa ang aking dedikasyon sa pag-aaral at hustisya kung di ko naman ito ipaglalaban.
Sa kabila ng nangyari ay masaya padin ako, tulad nga ng laging sinasabi sa teleseryeng Dream Dad, “Maganda ang buhay”, kaya bakit ako mag-aaksaya ng oras sa kanila kung mas maraming mas kapaki-pakinabang na bagay ang pwede kong gawin. Ngayon ay may piling indibidwal akong gustong pasalamatan, ito yung mga tao na sumuporta sakin sa kabila ng eskandalo na idinulot ng ipaglaban ko kung ano ang sa tingin ko ay tama.
Una sa lahat, gusto kong pasalamatan ang Diyos, isa siyang ama, kapatid, kaibigan na naging sandigan ko sa lahat ng pagkakataon, sa hirap at ginhawa. Sa aking ama, dad salamat, salamat kasi ni minsan ay di mo kami sinukuan, salamat kasi naniwala ka sa kakayanan ko, salamat kasi ipinaglaban mo ko kahit pa sumama ang tingin sayo ng iba, salamat kasi ikaw si Ernesto Mallari, ang haligi ng tahanan na nakukuha paring magpatawa kahit alam ko na sa loob niya ay nahihirapan na siya. Sabi nga sa isang pelikula ni Robin Williams, “You are the world’s greatest dad”.
Sa aking ina, isang napakalaking thank you, siguro nga’y madalas akong makulitan sa’yo dahil sa madalas mong pangangaral, paulit-ulit nga siguro ang mga sinasabi mo, pero ma, yan ang tunay na dahilan kung bakit the best ka, dahil di ka tumitigil na pangaralan kami pag alam mong naliligaw kami ng landas. Talaga ngang totoo yung kataga na “Mother knows best”.
Sa pinakamaganda kong ate, Ate Kat, salamat kasi ikaw ang pinaka nakakaintindi sa mga hilig at pinagdadaanan ko bilang isang babae, ikaw ang aking selfie buddy, church buddy, at shopping buddy na pinagkakatiwalaan ko ng mga sikreto.
Sa napakatalino kong kuya, Kuya Kerwin mainitin ang ulo mo, medyo mayabang ka nga siguro, at medyo tamad mag-aral; pero ang di alam ng marami, busilak ang puso mo, salamat kuya, sa pagturo sakin na manindigan pag alam kong ako ang nasa tama. Sa napaka-cute kong kapatid, salamat Kristine, ikaw na siguro ang pinakamatuturing kong tunay na BFF. Julia, Clang, Katrina, Faye, Dane, Nico at sa iba pa, napatunayan niyo sakin na tama ang katagang “quality over quantity”, siguro nga’y di kayo karamihan, pero alam ko na bawat isa sa inyo ay maaasahan at mapagkakatiwalaan ko, kaya salamat!
Sa mga teachers na napalapit na sa aking puso, Ma’am Factora, Mam Calanoga, Mam Amil, Mam Garcia, Mam Restor, Mam Castillo, Mam Acacio at Sir Francis, nagsilbi po kayong pangalawang magulang ko, salamat po. At siyempre pa, sa mga taong bumabatikos at nagbibigay ng negatibong komento sa akin, isang napakalaking thank you, kayo ang dahilan kaya’t mas pinagbubuti ko pa ang pag-aaral, tulad nga ng sinabi ng basketbolistang si Dwyane Wade, “My belief is stronger than your doubt”.
Panibagong kabanata ang aking haharapin, bilang isang accountancy student sa University of Santo Tomas. Panibagong hamon na nakangiti kong haharapin. At para sa ating lahat mga kapwa ko graduates, ito’y isang mahalagang kabanata kung saan natin gagawin ang pinakamahalagang mga desisyon sa ating buhay. Kaya naman good luck sa inyo, at good luck din para sa kinabukasan ng paaralang ito.
Let me finish this in style and say my last words in the vernacular language of the world. I am Krisel Mallari, a Filipino citizen who would rather choose to fail with honor, than win by cheating. Adios!
